Эндиликда "MAVRID" иловаси орқали банкнинг VISA халқаро картасидан фойдаланувчилари янги қулайликка эга бўлишди. Яъни VISA карта фойдаланувчилари учун банк мобил иловаси ёрдамида масофадан туриб, қулфлаш ва қулфдан ечиш имконияти яратилди. 

Шунингдек, VISA карта паролини тиклаш функцияси ҳам ишга туширилди. 

Мисол учун, VISA картангиз паролини кетма-кет уч марта хато киритсангиз, тизим автоматик картани блоклайди. Кейинчалик паролни эслаб, банкка бориш шарт эмас. Негаки мижозларимиз учун энди "MAVRID" иловаси орқали паролни қайта тиклаш имконияти ишга туширилди. 

Маълумот учун, МКБАНКда мавжуд 4 турдаги VISA карталаридан бирини очиб, дунёнинг исталган нуқтасидан фойдаланишингиз мумкин.  

Банк Ахборот хизмати