МКБАНК «ODDO BHF» банки билан ҳамкорликни йўлга қўйди

«Микрокредитбанк» акциядорлик-тижорат банки Германянинг «ODDO BHF» банки билан ҳамкорлик алоқаларини ўрнатди. 

Унга кўра, ўзаро ҳамкорликда савдони молиялаштириш, аккредитивни тасдиқлаш, банк кафолатини бериш, хорижий кредит линияларини очиш, ғазначилик амалиётларини амалга ошириш мақсад қилинган. 

Таъкидлаш жоизки, 2023 йилда банк мижозлари томонидан 585 та экспорт шартномалари бўйича 48,5 млн. АҚШ доллар миқдорида экспорт тушумлари амалга оширилди. Шундан товар экспорти 37,1 млн. АҚШ доллар, хизматлар экспорти 9,8 млн. АҚШ долларни ташкил этади. 

«ODDO BHF» банки билан ҳамкорлик ушбу йўналишдаги ишлар самарадорлигини янада оширишга хизмат қилади.  

Маълумот учун, «Микрокредитбанк» АТБ томонидан сўнгги йилларда халқаро ҳамкорлик алоқаларини ривожлантиришга алоҳида эътибор қаратилмоқда. 

Банк Ахборот хизмати