Ҳозирда Микрокредитбанк ва PAYSEND инновацион онлайн-платформаси ўртасида халқаро пул ўтказмаларини йўлга қўйиш бўйича келишувлар якунланмоқда. Ушбу лойиҳа ишга туширилгач, МКБАНК карталарига маблағларни тез, қулай ва арзон тарифларда ўтказиш имконияти яратилади.
Шунингдек, агар сиз МКБАНК мижози бўлсангиз, пул ўтказмаларини юбориш ёки қабул қилиб олиш учун банкка ташриф буюришингиз шарт эмас.
PAYSEND — дунёнинг 170 дан ортиқ мамлакатига пул ўтказмаларни амалга ошира оладиган глобал сервис бўлиб, маблағни банк картаси, ҳисоб рақами ёки мобил рақам орқали жўнатиш имконини беради.
Visa, Mastercard, МИР ва Сбербанк каби йирик тизимлар билан ҳамкорлик қилувчи PAYSEND паст комиссия ва қулай курслар билан ажралиб туради. Келгусида Uzcard, Humo ва UnionPay карталарига пул ўтказмаларни янада осонлаштириш режалаштирилган.
Яна кўринг
“Микрокредитбанк” АТБ тизимида коррупциянинг олдини олиш чоралари янада кучайтирилмоқда
Микрокредитбанк билан ҳамкорликда “Қува-Агро Стар” МЧЖ томонидан янги “Мобил-Кўчатчи” лойиҳаси ишга туширилди!
