Ёшлар ҳар бир давлатнинг келажагини, салоҳиятини белгиловчи муҳим ижтимоий қатлам. Зеро, ҳар бир жамиятнинг ҳолати, тақдири ва истиқболи унда яшаётган ёшларнинг салмоғи, маʼнавияти ва онглилиги даражаси билан белгиланади. Ёшлар жамиятнинг эртанги келажаги, унинг фаол аʼзоси, таʼбир жоиз бўлса жамият эртасининг муносиб ворисларидир.
Жорий йилнинг 27-июн куни “Микрокредитбанк” АТБ Бошқарув раиси О.Бутаев ва Бошқарув раиси ўринбосари И.Джуманиязов 30-июн – Ёшлар куни муносабати билан тизимда фаолият юритаётган фаол, ташаббускор ёш ходимлар билан учрашуви бўлиб ўтди.
Банк раҳбарияти давлатимиз раҳбари томонидан ёшлар учун қулай шароит яратиш ҳамда рағбатлантиришга доимий эʻтибор қаратилаётганини таʼкидлаб, уларнинг ташаббус ва таклифларини доим қўллаб-қувватлашга тайёрлигини маʻлум қилди.
Шунингдек, раҳбарият томонидан ёшлар банк тараққиётида муҳим ўрин эгаллаши, уларнинг билим ва салоҳияти – эртанги ютуқларимиз асоси экани алоҳида таʻкидланди.
Самимий ва қизиқарли интерактив ўйинларни ўз ичига олган мазкур мулоқот давомида ёшлар ўз таклиф ва ташаббусларини билдиришди.
Жамоавий ва индивидуал беллашувларда департамент директорларининг ҳам иштирок этиши, жамоаларга далда бериб, қўллаб-қувватлашлари тадбирга янада кўтаринки кайфият бағишлади. Айниқса, бу ёшларнинг жамоавий руҳини оширди ва бир-бирлари билан яқинроқ танишишларига ёрдам берди.
Тадбир якунида энг фаол ёшлар турли номинациялар бўйича дипломлар ва эсдалик совғалари билан тақдирланди.
Банк Ахборот хизмати
Яна кўринг
Коррупциясиз банк: МКБАНКда навбатдаги ўқув семинари ташкил этилди
Семинар давомида ходимлар ўзларини қизиқтирган саволларга жавоб олиш билан бирга, бу иллатга биргаликда курашиш лозимлигини билдиришди.
МКБАНК ходими “МЎЪТАБАР АЁЛ” кўкрак нишони билан тақдирланди!
