Ўзбекистон Республикаси Президентининг 2018-йил 23-мартдаги “Банк хизматлари оммабоплигини ошириш бўйича қўшимча чора-тадбирлар тўғрисида”ги ПҚ-3620-сон қарорига мувофиқ, Микрокредитбанкда замонавий хизматлар жорий қилинмоқда.
Мижозларга банк хизматларини кўрсатишда ҳужжатлар айланмасини тезлаштириш, ортиқча оворагарчиликларнинг олдини олиш, кредит таъминоти сифатида гаровга олинишини лозим бўлган мол-мулкларнинг нотариал ҳужжатларини банк биносида расмийлаштиришни ташкил қилиш мақсадида E-notarius (Электрон нотариус) платформасидан фойдаланиши бўйича Ўзбекистон Республикаси Aдлия вазирлиги билан келишувга еришилди.
Дастлаб синов тариқасида банкнинг Тошкент шаҳар бошқармасида E-notarius тизими ёрдамида автомототранспорт воситалари билан боғлиқ гаров шартномаларини расмийлаштириш учун мижознинг идентификациядан ўтиши, масофадан туриб, нотариал идора ходими мижозни кузатув камераси орқали юзи ва овозини ёзиб олиши, қўл бармоғи изини олиши каби ишларни банк биносининг ўзида амалга ошириш имконияти яратилди.
Яқин кунларда мамлакатимиздаги тижорат банклари орасида биринчи бўлиб, “Микрокредитбанк” AТБ тизимида чет эл тажрибаси асосида E-notarius платформасидан фойдаланиш тўлиқ жорий қилинади. Aлбатта, бу мижозларга тезкор ва сифатли банк хизматларини кўрсатишга хизмат қилади.
Шунингдек, банкда хизматлар турини кенгайтириш бўйича яна янгиликлар қилиш ишлари давом этмоқда.
Банк Aхборот хизмати
