Бугун ҳунармандчилик ва касаначиликни ривожлантириш орқали ишсиз аҳоли, айниқса, хотин-қизлар, меҳнатга лаёқатли ногиронлиги бўлган шахсларнинг бандлигига кўмаклашиш, ишлаб чиқариш ва хизматлар кўрсатишни янада кенгайтириш мақсадида "Микрокредитбанк" АТБ Бошқарув раиси ўринбосари Икрам Джуманиязов ҳамда Камбағалликни қисқартириш ва бандлик вазири ўринбосари Раъно Турдибоева ўртасида ҳамкорлик меморандуми имзоланди.
Шунингдек, «Ҳунармандчилик ва касаначиликни қўллаб-қувватлаш жамғармаси» томонидан ажратиладиган субсидиялар, ссудалар бўйича тадбиркорлик субъектларига ҳамкорликда тушунтириш ҳамда тавсиялар бериш, касаначилик фаолиятини бошлаш истагида бўлган фуқароларга ажратилаётган имтиёзли кредитлар тўғрисида ижтимоий тармоқлар орқали ҳамкорликда маълумот бериб боришга келишиб олинди.
Эслатиб ўтамиз, Ўзбекистон Республикаси Президентининг 2023 йил 23 февралдаги «Касаначиликни янада ривожлантиришга оид қўшимча чора-тадбирлар тўғрисида»ги қарорига асосан, Камбағалликни қисқартириш ва бандлик вазирлиги ҳузурида "Ҳунармандчилик ва касаначиликни қўллаб-қувватлаш жамғармаси" ва "Микрокредитбанк" АТБ тасарруфида "Касаначилар мактаби фаолиятини ривожлантириш маркази" ташкил этилган.
Банк Ахборот хизмати
Яна кўринг
