2025 йилнинг 13–18-октябрь кунлари Вашингтон (АҚШ) шаҳрида бўлиб ўтган Жаҳон банки гуруҳининг йиллик форуми (World Bank Annual Meetings 2025) доирасида “Микрокредитбанк” АТБ вакиллари Жаҳон банки гуруҳига кирувчи Халқаро инвестициялар кафолати агентлиги (МИГА) вакиллари билан қароргоҳ бош офисида учрашув ўтказдилар.
Учрашув давомида томонлар ўртасидаги жорий ҳамкорлик натижалари муҳокама қилинди, шунингдек, келажакдаги потенциал ҳамкорлик йўналишлари юзасидан фикр алмашилди.
Қувонарлиси, яқин кунларда “Микрокредитбанк” АТБ ва МИГА ўртасида кичик ва ўрта бизнесни молиялаштириш ҳамда экспорт-импорт операцияларини қўллаб-қувватлаш йўналишларида қўшма лойиҳа амалга оширилиши режалаштирилган.
Мазкур ташриф “Микрокредитбанк” АТБнинг халқаро молия институтлари билан ўзаро ҳамкорликни мустаҳкамлаш ҳамда мамлакат иқтисодий тараққиётига ҳисса қўшувчи ташаббусларни қўллаб-қувватлаш борасидаги фаолиятида муҳим қадам бўлди.
Банк Ахборот хизмати
Яна кўринг
Тарихий қадам: MIGA кафолати остида халқаро инвестицияларни жалб қилинди
