Пойтахтимиздаги «International Tashkent Hotel» меҳмонхонасида «Шарқ аёли» халқаро аёллар жамоат фонди, Ўзбекистон менежерлар уюшмаси ва Ўзбекистон Республикаси савдо-саноат палатаси билан ҳамкорликда «Рақамли Иқтисодиёт-аёллар тадбиркорлигининг глобал интеграцияси учун кўприк» мавзусида Халқаро Форум ўтказилмоқда.
Икки кун давом этадиган мазкур Форумда «Микрокредитбанк» АТБ Бошқарув раиси ўринбосари Шахло Ибрагимова ва банкнинг тегишли департамент раҳбарлари ҳам иштирок этди.
Форумнинг мақсади, аёллар тадбиркорлигини ривожлантиришда рақамли ютуқни амалга ошириш учун барча манфаатдор томонларнинг, шу жумладан, давлат ва маҳаллий ҳокимият органлари, фуқаролик жамияти институтлари, ишбилармон доиралар, халқаро ташкилотлар ва молия институтларининг саъй-ҳаракатлари ва ресурсларини бирлаштириш шу билан бирга, Ўзбекистон ва Марказий Осиё минтақасида аёлларнинг рақамли ва молиявий саводхонлигини, ижтимоий мавқейини ҳамда иқтисодий барқарорлигини оширишдан иборат.
Халқаро форум давомида «Электрон тижорат-онлайн бизнес дунёсида аёллар учун имкониятлар», «Рақамли банк-молиявий саводхонликдан молиявий мустақилликка эришиш», «Сунъий интеллект аёллар учун янги имкониятлар дунёсига қўлланма» каби мавзулар муҳокама қилинмоқда.
Таъкидлаш керакки, форумда шунингдек, молиявий ва рақамли саводхонликни ўқитишнинг янги шакл ва усулларини, шунингдек, бизнес юритиш асосларини ташкил этиш орқали барча ҳудудлар, жумладан, Ўзбекистоннинг энг чекка ҳудудлари ва Марказий Осиёнинг бошқа давлатларидан келган аёлларни фаол ва самарали иқтисодий ҳаётга жалб этиш масалалари муҳокама қилинади.
Халқаро Форум эртага ҳам ўз ишини давом эттиради.
Банк Ахборот хизмати
Яна кўринг
Тарихий қадам: MIGA кафолати остида халқаро инвестицияларни жалб қилинди
