“Микрокредитбанк” АТБ чекка ҳудудларда яшовчи аҳолини молиявий қўллаб-қувватлаш ва тадбиркорликка жалб этиш мақсадида хорижий молия институтлари билан ҳамкорликни кенгайтирмоқда.
Банк 2025-йил давомида чет эл молия институтларидан жами 260 млн. АҚШ доллари миқдорида ресурс жалб қилишни режалаштирган. Ушбу режанинг амалий ифодаси сифатида, Сингапурнинг “Олам Глобал Агри [Треасурй] Пте Лтд” компанияси билан 15,8 млн АҚШ долларлик савдони молиялаштириш битими имзоланди ва маблағ жалб қилинди.
Мазкур ресурс ҳисобидан хотин-қизлар ва ёшлар тадбиркорлигини қўллаб-қувватлаш, инновацион ташаббусларни молиялаштириш кўзда тутилган.
Бу ҳамкорлик мамлакатимизда кичик ва ўрта бизнесни ривожлантириш билан бирга, Ўзбекистон ва Сингапур ўртасидаги иқтисодий алоқаларни мустаҳкамлашга хизмат қилади.
Банк Ахборот хизмати
Яна кўринг
Тарихий лаҳзани ифодаловчи эсдалик тангалари МКБАНКда сотувда
Кредитдан натижагача: Бухоролик тадбиркорларнинг муваффақият йўли
