Жорий йилнинг 13–14 июнь кунлари ZAAMIN ULTRA” 2026 ултрамарафони “Зомин” миллий табиат боғи ҳудудида бўлиб ўтди.
Марказий Осиёнинг энг манзарали ултрамарафонларидан бири — ZAAMIN ULTRA 2026да МКБАНК жамоаси ҳам фаол қатнашди!
Спорт ва маданият байрами сифатида эътироф этилган марафон дунёдаги энг баланд тоғ югуриш йўлакларидан бири эканлиги билан барчага унутилмас ҳиссиётларни тақдим этди.
“ZAAMIN ULTRA” марафони нафақат спортчилар ва тоғда югуриш ишқибозлари учун, балки бутун оила аъзолари учун вақтни ажойиб ўтказиш фестивалидир.
Марафонда юзлаб ҳаваскор ва профессионал югуриш ишқибозлари тоғ оралаб 2, 5, 10, 21, 42 ва 50 километрлик масофаларда ўз иродаси ҳамда сабрини синовдан ўтказишди.
Мусаффо ҳаво ва очиқ осмон остидаги фестивалда МКБАНК ходимлари тоғлар бағрида жамоавий иродани намоён этиш билан бирга, спорт шунчаки машғулот эмас, балки корпоратив маданиятнинг муҳим қисми эканлигини исботлади.
Шунингдек, марафонда ходимларимиз муносиб ўринларни қайд этишди.
Қайд этиш керакки, Заамин Ултра 2026 йилда ҳам ўз анъанасига кўра халқаро спортчиларни бирлаштира олди.
Банк Ахборот хизмати
Яна кўринг
Тарихий лаҳзани ифодаловчи эсдалик тангалари МКБАНКда сотувда
Кредитдан натижагача: Бухоролик тадбиркорларнинг муваффақият йўли
