Маълумки, юртимизда ва дунёда ҳар йили 25 ноябрь – Хотин-қизларга нисбатан зўравонликка барҳам бериш халқаро кунидан бошлаб 10 декабрь – Инсон ҳуқуқлари кунига қадар дунё бўйлаб «Гендер асосидаги зўравонликка қарши 16 кунлик фаоллик» глобал кампанияси ўтказилади.
Мазкур ташаббус доирасида жорий йил БМТ томонидан кампания «Хотин-қизларга нисбатан рақамли зўравонликка барҳам бериш учун бирлашайлик» мавзусида ташкил этилмоқда. Ана шундай халқаро тарғибот кампанияси ва фаоллик доирасида МКБАНКда ҳам Хотин-қизларга нисбатан зўравонликка барҳам бериш халқаро куни муносабати билан “Гендер асосидаги зўравонликка қарши 16 кун фаоллик” ва “Аёллар ва қизларга нисбатан рақамли зўравонликка барҳам бериш учун бирлашайлик” мавзуларидаги давра суҳбати ташкил этилди.
Тадбирда Оила ва хотин-қизлар қўмитаси Оилада ҳуқуқий маданиятни ошириш, улар оъртасида ҳуқуқбузарликлар профилактикасини ташкил этиш, тазйиқ ва зоъравонликнинг олдини олиш боълими бошлиғи — Собирова Шоира Салохиддиновна, Тошкент шаҳар Миробод тумани ИИО ФМБ ХПБ хотин-қизлар масалалари бўйича катта инспекторлари — майор Гавҳар Гулямова, лейтенант Дилдора Мирсобитова ва банк ходимлари иштирок этишди.
Тадбирни “Микрокредитбанк” АТБ Бошқарув раиси ўринбосари Содир Мелибоев очиб, хотин-қизларни ҳар қандай зўравонликдан, хусусан, рақамли макондаги таҳдидлардан ҳимоя қилиш бўйича юртимизда олиб борилаётган ишларга тўхталиб, зўравонликка қарши кураш узлуксиз жараён эканини қайд этиб ўтди.
Спикерларнинг юртимизда рақамли зўравонликка қарши курашиш борасида олиб борилаётган ишлар, қонун лойиҳалари, ҳимоя ордери ва уни олиш тартиби борасидаги маълумотлари ходимларда қизиқиш уйғотди. Тадбирда хотин-қизларни ҳар қандай зўравонликдан, хусусан, рақамли макондаги таҳдидлардан ҳимоя қилиш муҳим эканлиги таъкидланди.
Очиқ ва самимий суҳбат тарзида ўтган тадбир давомида ходимлар ўзларини қизиқтирган саволларга жавоб олишди. Шунингдек, ИИВ медиа маркази томонидан тайёрланган ижтимоий роликни ҳам томоша қилишди.
Bank Axborot xizmati
Яна кўринг
Банк раҳбарияти Бухоро вилоятида аҳоли ҳамда тадбиркорлар билан учрашув ўтказди
Микрокредитбанк раҳбарияти иштирокидаги бу каби тадбирлар бошқа ҳудудларда ҳам давом эттмоқда
Бизнесингизни “Келажакка Қадам” билан ривожлантиринг!
