Бугун МКБАНКда Республика қон қуйиш маркази билан ҳамкорликда инсонийлик, меҳр-оқибат ва юксак қадриятларни мустаҳкамловчи эзгу ташаббус – “Бирга ҳаётни сақлаймиз” миллий донорлик акцияси бўлиб ўтди.
Унда 100 га яқин ходимлар ихтиёрий равишда иштирок этиб, қон топширди ҳамда беморлар учун зарур қон захирасини жамғаришга ҳисса қўшишди.
- Бугунги хайрия акцияси орқали эзгу ишларга оз бўлса-да ўз ҳиссамни қўшаётганимдан хурсандман. Ушбу акция жамоамизда бирдамлик ва ижтимоий масъулият ҳиссини янада кучайтирди, - дейди Бюджет контроллинг ва иқтисодий таҳлил департаменти етакчи менежери Ойбек Худойбердиев.
Ўйлаймизки, топширилган донорлик қонлари турли касалликлар ёки бахтсиз ҳодисалар туфайли қонга муҳтож бўлган инсонлар ҳаётини сақлаб қолишга хизмат қилади.
Жамоамиз топширган ҳар бир томчи қон бошқа бир инсон учун умид, ҳаёт ва нажот манбаи бўлишига ишонади.
МКБАНК хайрли ишда четда турмай донорлик қилган ходимларига ўз миннатдорчилигини билдиради.
Банк Ахборот хизмати
Яна кўринг
Техник созлаш ишлари амалга оширилади!
МКБАНКда "Қадринг баланд бўлсин, Она тилим!" шиори остида Оммавий диктант танлови ўтказилди
