Жорий йилнинг 12-22 май кунлари АҚШнинг Вашингтон шаҳрида ташкил этилган «Экспорт назорати ва иқтисодий санкциялар шароитида комплаэнс масалалари» курсида банкимизнинг Ички назорат ва санкциявий комплаэнс департаменти бошқарма бошлиқлари А.Умаров ва Б.Алимовлар малака ошириб қайтишди.
Мазкур курснинг якунида махсус сертификатлар билан тақдирланган ҳамкасбларимиз олган билим ва тажрибалари билан ўртоқлашиш мақсадида жорий йилнинг 3 июнь куни банк ходимлари учун ўқув семинари ташкил этилди.
Ўқув семинарида спикерлар — А.Умаров ва Б.Алимовлар «Экспорт назорати ва иқтисодий санкциялар шароитида комплаэнс масалалари, АҚШнинг OFAC, BIS ташкилотлари роли» мавзусидаги тақдимотлари билан қатнашишди ва санкциялар шароитида қандай ҳаракат қилиш, экспортда нималарга аҳамият бериш, иккиламчи санкцияларнинг иқтисодиётга таъсири каби маълумотларга атрофлича тўхталиб ўтишди.
Ўқув семинари қизғин саволларга бой бўлиб, бу каби тажриба алмашишнинг банк тизимида фойдали бўлиши таъкидлаб ўтилди.
Ҳамкасбларимизга олган билим ва кўникмаларини амалиётда қўллаб, юксак натижаларга эришишини тилаб қоламиз!
Банк Ахборот хизмати
Яна кўринг
Тарихий лаҳзани ифодаловчи эсдалик тангалари МКБАНКда сотувда
Кредитдан натижагача: Бухоролик тадбиркорларнинг муваффақият йўли
