Бугун, 7 декабрь куни Микрокредитбанк АТБда 8 декабрь — Ўзбекистон Республикаси Конституциясининг 30 йиллиги ва 9 декабрь — Халқаро коррупцияга қарши курашиш куни муносабати билан “Антикоррупция ҳафталиги” доирасида “Очиқ эшиклар куни” муносабати билан байрам тадбири ташкил этилди.
Тадбирда Ўзбекистон Республикаси Коррупцияга қарши курашиш агентлиги Коррупциянинг олдини олиш ва “комплаенс-назорат” тизимини жорий этиш бошқармаси сектор раҳбари Рахмонов Бекзод Хасанович ва Юридик фанлари доктори Игор Кудрявсев, ОАВ вакиллари, блогерлар ҳамда банк жамоаси иштирок этишди.
Тадбир меҳмонлари йиғилганларни байрам муносабати билан қизғин қутлаб, тинч ва фаровон ҳаётимизнинг муҳим кафолати ҳамда мустаҳкам ҳуқуқий пойдевори бўлган Бош қомусимизнинг ҳаётимиздаги ўрни ҳақида ўз фикрларини билдиришди.
Яна тадбир давомида мамлакатимизда коррупциянинг олдини олиш борасида ҳам бир қатор муҳим ўзгаришлар амалга оширилаётгани, халқаро амалиётга таянган ҳолда миллий қонунчилигимизга тегишли ўзгартириш ва қўшимчалар киритилаётгани таъкидланди.
Таъкидлаш керакки, “Коррупцияга қарши курашиш тўғрисида”ги Қонуннинг қабул қилиниши мазкур соҳада бошлаган ислоҳотларимизнинг ўзига хос ҳуқуқий пойдевори бўлиб, коррупциянинг барвақт олдини олишга қаратилган муҳим концептуал ҳужжатлар сифатида хизмат қилмоқда.
Шунингдек, Ўзбекистон Республикаси Президентининг 2021 йил 6 июлдаги “Коррупцияга қарши муросасиз муносабатда бўлиш муҳитини яратиш, давлат ва жамият бошқарувида коррупциявий омилларни кескин камайтириш ва бунда жамоатчилик иштирокини кенгайтириш чора-тадбирлари тўғрисида”ги ПФ–6257-сонли Фармонининг имзоланиши, коррупцияга оид жиноятларни содир этган шахсларга нисбатан жазо чоралари кучайтирилиб, жиноий жазони ўташда енгиллаштирувчи нормалар қўлланилишига чекловлар ўрнатилиши белгиланди.
Ана шундай муҳим ишлар Микрокредитбанк тизимида ҳам амалга оширилаётган бўлиб, бунинг самараси ўлароқ банкимизда Коррупцияга қарши назорат департаменти (Комплаенс назорат) ташкил этилган. Ушбу департаментда 10 дан ортиқ ходимлар меҳнат қилиб, банкимизда коррупцион ҳолатларнинг олдини олиш борасида бир қатор ишлар амалга оширилмоқда. Жумладан, департамент томонидан банк тизимида коррупция ҳақида хабар беришга мўлжалланган алоқа каналлари, яъни расмий саҳифа: МКБАНК.уз ичида коррупция бўйича мурожаат саҳифаси ишга тушурилди. Шунингдек, электрон почта манзили: mkbanticor@mkb.uz, телеграм бот: @mkbanticor_bot ва ишонч телефони: 55-503-77-11 ташкил этилди.
Албатта, банкимизда Комплаенс назорат демартаментининг олдига улкан мақсадлар қўйгани қувонарли, чунки жамиятда коррупцияга нисбатан муросасиз муносабатни қарор топтириш бугунги куннинг энг долзарб масалаларидан биридир.
Шунингдек, тадбирда банк ходимлари орасида коррупцияга қарши кураш бўйича ташкил этилган танлов ғолиблари тақдирланишди.
Тадбир якунида Ўзбекистон Республикаси Конституциясининг 30 йиллиги муносабати ташкил этилган интерактив викторина ҳам ходимлар учун кутилмаган шартлари билан эсда қоларли бўлди.
Банк Ахборот хизмати
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
