МКБАНКда Ўзбекистон Республикаси давлат мустақиллигининг 35 йиллигига бағишланган тантанали маросимда Ўзбекистон Республикаси Президенти Шавкат Мирзиёев томонидан сўзланган нутқнинг мазмун-моҳиятини кенг тарғиб этиш ва ходимлар ўртасида унинг аҳамиятини тушунтиришга бағишланган маънавий-маърифий тадбир ташкил этилди.
Учрашувда соҳа эксперти Республика Маънавият ва маърифат маркази бош мутахаcсиси. «Маърифат» тарғиботчилар жамияти аъзоси Пардахол Норқобилова «Миллий юксалиш ўн йиллиги: етти миллий дастур яхлит тизим сифатида» мавзусида, Фалсафа фанлари бўйича фалсафа доктори (PhD), Маърифат тарғиботчилар жамияти аъзоси Мафтуна Намозова «Уч минг йиллик илдиз ва Учинчи Ренессанс: тарихий ворислик, миллий ўзлик ва маънавий мерос» Инсон қадри — 35 йиллик ислоҳотларнинг ўлчови: Эркинлик, билим, соғлиқ ва ёшлар» мавзусида ўз маърузалари билан иштирок этишди.
Тадбир давомида экспертлар томонидан банк ходимлари, устозларга мамлакатимизда амалга оширилаётган ислоҳотларнинг мазмуни, эришилаётган ютуқлар, миллий қадриятларни асраб-авайлаш, ёш авлодни ватанпарварлик ва юрт тақдирига дахлдорлик руҳида тарбиялаш масалалари юзасидан фикрлар билдирилди.
Мутахассис ва олимлар томонидан мавзуга оид маърузалар қилиниб, Президентимиз нутқида илгари сурилган муҳим ғоя ва ташаббусларнинг мазмун-моҳияти атрофлича ёритиб берилди.
Шунингдек, тадбир давомида мамлакатимизда амалга оширилаётган кенг кўламли ислоҳотлар, халқимизнинг бой тарихи ва миллий қадриятларини акс эттирувчи махсус видеороликлар намойиш этилди.
Самимий мулоқот руҳида ўтган учрашув фикр-мулоҳазаларга бой бўлди.
Бундай маънавий-маърифий тадбирлар ходимларнинг тарихий хотира, миллий қадриятлар ва Ватанга дахлдорлик туйғусини янада мустаҳкамлаш, шунингдек, жамиятда рўй бераётган янгиланиш ва ислоҳотларнинг мазмунини чуқур англашига хизмат қилади.
Банк Ахборот хизмати
Яна кўринг
Байрам кунлари ҳам ишлаймиз!
SWIFT ўтказмаларида махсус тариф: қўшимча тўловлар бекор қилинди
