МКБАНКда «Манфаатлар тўқнашуви тўғрисида»ги Қонун ижроси ва мазмун-моҳияти мавзусида ўқув-семинари бўлиб ўтди
Унда МКБАНК бош офис ходимлари ҳамда ҳудудий бошқармалар ва уларга қарашли банк хизматлари марказлари ходимлари қатнашди.
Тадбирда Адлия вазирлиги тизимида коррупцияга қарши курашиш бўлими етакчи маслаҳатчиси Машариф Абдуғаниев, Адлия вазитлиги қошидаги Адолат миллий ҳуқуқий ахборот марказининг Ҳуқуқий ахборот ва веб-ресурслар бўлими етакчи маслаҳатчиси Ахмад Одилов ҳамда Юристлар малакасини ошириш маркази ходими ю.ф.н., доцент Рафик Шакуровлар иштирок этишди.
Ўқув-семинари давомида банк ходимлари ўртасида манфаатлар тўқнашуви бўйича билим ва кўникмаларни ошириш ҳамда манфаатлар тўқнашувининг олдини олиш чоралари юзасидан юртимизда амалга оширилаётган ишлар, шунингдек, манфаатлар тўқнашувига олиб келувчи омиллар ва уларни аниқлаш усуллари, бундай ҳолатлар юзага келганда қандай чора кўриш ҳақида батафсил маълумотлар бериб ўтилди.
Самимий мулоқотга айланиб кетган семинар якунида йиғилганлар ўзларини қизиқтирган саволларга жавоб олишди.
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
