Конституция бу ҳар бир давлатнинг асосий рамзларидан бўлиб, унинг жаҳон давлатлари ўртасида қадр-қимматини билдиради. Шуни алоҳида таъкидлаш лозимки, юртимизнинг бош қомуси — Конституциямизни ўрганишга ҳамда ўз ҳуқуқ ва бурчларини билишга, қонун-қоидаларга риоя қилишга, унинг давлатимиз сиёсатида муҳим ўрин тутишини англаш ва ўрганишга ҳар бир фуқаро учун сув ва ҳаводек зарур ҳисобланади.
Бугун МКБАНКда Конституциямизнинг 31 йиллиги ҳамда 10 декабрь — Ўзбекистон Республикаси Давлат мадҳияси қабул қилинганлигининг 31 йиллигига бағишланган «Конституция — халқчил давлат, барқарор тараққиёт ва фаровон ҳаёт асоси!» деган бош ғояни ўзида мужассам этган байрам тадбири бўлиб ўтди.
Тадбир мадҳияни куйлаш билан бошланиб, унда банк жамоаси иштирок этишди.
Тадбирда сўзга чиққан Юридик департаменти Банк манфаатларини ҳимоя қилиш бошқармаси бошлиғи Ойбек Баракаев Янги таҳрирдаги Конституциямизнинг мазмун-моҳияти, унинг ҳаётимизда юз бераётган ўзгаришлар ва қўлга киритилаётган ютуқларнинг бош омили эканлиги ҳақида ўз фикрларини билдирди.
Шунингдек, тадбирда банк ходимларининг конституцияга оид билимларини синаш мақсадида кичик викторина ҳам ўтказилди.
Мазкур ютуқли ўйин орқали банк ходимлари ўзларининг конституцияга оид билимларини яна бир карра синовдан ўтказишди ва бу тадбир ходимлар учун кутилмаган шартлари билан эсда қоларли бўлди.
Якунда Конституциямизнинг 31 йиллиги муносабати банк ходимлари орасида ташкил этилган «Энг яхши китобхон 3» танловининг ғолибларини ҳам тақдирланишди.
Банк Ахборот хизмати
Яна кўринг
