"Микрокредитбанк" АТБ ташаббуси билан хотин-қизлар тадбиркорлигини қўллаб-қувватлаш, уларнинг молиявий саводхонлигини ошириш юзасидан хорижий ҳамкор ташкилотлар билан бир қатор ишлар амалга оширилмоқда. Жумладан, жорий йилнинг 1-апрел куни БМТ Тараққиёт дастурининг Ўзбекистондаги доимий ваколатхонаси раҳбари билан учрашув ўтказилди.
Самимий тарзда ўтган учрашувда икки томоннинг таклифлари тингланиб, 2025-йилда юртимиздаги хотин-қизларнинг бандлигини таъминлаш, уларни босқичма-босқич бизнес соҳасида ўқитиш ва лойиҳаларини қўллаб-қувватлаш бўйича ҳамкорлик қилишга келишиб олинди.
Бундан ташқари, оилавий тадбиркорлик ва хотин-қизлар учун гранд маблағлари ажратиш юзасидан ҳам атрофлича фикр алмашилди. Бундан кўзланган мақсад, ҳудудлардаги ишсиз хотин-қизларнинг бандлигини таъминлаш ва уларни тадбиркорлик йўналишида қўллаб-қувватлаш, десак адашмаймиз.
Таъкидлаш керакки, МКБАНКда ушбу йўналишдаги амалий ишлар давом этади.
Банк Ахборот хизмати
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
