МКБАНКда рақамлаштириш: Харид жараёнлари тўлиқ электрон шаклга ўтказилди

Валюта	Сотиб олиш	Сотиш	Ўзб МБ
USD	11990	12100	12044.72
EUR	12700	13700	13525.02
RUB		150	145.46
GBP	15100	16100	16062.84
CHF	13800	14800	14599.66
JPY	50	100	76.12

“Микрокредитбанк” АТБда амалга оширилиши режалаштирилган лойиҳанинг харид ҳужжатларини кўриб чиқиш билан боғлиқ жараёнлар рақамлаштирилганлигини маълум қиламиз.

Тизимнинг асосий афзалликлари ва қулайликлари: муддатларнинг қисқариши:
Харид ҳужжатларини тизимга киритиш, уларни комиссия аъзолари томонидан атрофлича ўрганиб чиқиш, эътироз ёки таклифларни билдириш ҳамда якуний хулосаларни шакллантириш муддати сезиларли даражада қисқаради.

Босқичма-босқич мониторинг:
Ҳужжатларнинг ҳар бир босқичини дастур орқали онлайн кузатиш имконияти яратилди.
Масофавий тасдиқлаш:

Лойиҳа бўйича ишлаб чиқилган харид ҳужжатлари ва Комиссия баённомалари қоғозда эмас, балки ЭРИ (Электрон рақамли имзо) орқали масофавий тарзда тасдиқланади ва тўлиқ юридик кучга эга бўлади.
Энг асосийси, яшил технологиялар: ўнлаб саҳифалардан иборат қоғоз ҳужжатлар айланмасига чек қўйилиб, тўлиқ экологик хавфсиз рақамли тизимга ўтилди.

“Микрокредитбанк” АТБ замонавий рақамли технологияларни жорий этиш орқали ўз фаолиятининг очиқлиги ва тезкорлигини таъминлашда давом этади.

Банк Ахборот хизмати