МКБAНК ва RealSoft билан ҳамкорлиги янги босқичга чиқди, натижада Смарт офис лойиҳаси амалиётга татбиқ этилди.
Гап шундаки, банк трансформацияси доирасида тижорат банклари орасида биринчи бўлиб амалга оширилаётган ушбу лойиҳа доирасида электрон ҳужжат айланмаси - exat ва гибрид почтаси билан интеграция қилинди. Натижада банкдаги ҳужжатлар - қарор, буйруқ, фармойиш, ариза, чора-тадбир, билдиргилар, чиқиш хатлари ушбу платформа ёрдамида масофадан туриб, e-imzo орқали имзоланмоқда. Бундан ташқари, ходимларнинг хизмат сафарлари ҳисоботи, касаллик варақалари тўловлари, ишга келиб-кетишлари назорати инсон омилисиз Смарт офис орқали амалга оширилади.
2025-йилдан бошлаб эса банк Кузатув кенгаши қарорлари ҳам Смарт офис орқали масофадан туриб имзоланиши йўлга қўйилади.
Банк тизимида мазкур лойиҳанинг амалга оширилиши ҳужжат айланишини тезлаштириб, иш самарадорлигини оширишга ёрдам беради. Шунингдек, ортиқча вақтни ҳамда қоғоз сарфини камайтиради.
Эслатиб ўтамиз, МКБAНК RealSoft билан ҳамкорликда 2022 йидан буён Collective.uz платформасини банк фаолиятига татбиқ этиб келмоқда. Смарт офис лойиҳаси эса Collective.uz негизида такомиллашган ҳолда янгидан ташкил этилмоқда.
Банк Aхборот хизмати
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
