“Микрокредитбанк” АТБ тизимига иқтидорли, салоҳиятли ёшларни жалб қилиш хамда ўз касбига ҳалол, виждонан ва сидқидилдан ёндашадиган кадрларни тарбиялаш мақсадида банкда олий ўқув юртларининг 3-4-босқич талабалари (иқтисодий йўналиш) ҳамда битирувчилари учун Стажировка дастури ишлаб чиқалган.
Стажировка ўташ учун номзодларни танлаш икки босқичда амалга оширилмоқда:
-
биринчи босқичда номзодлар тестдан ўтади;
-
иккинчи босқичда тестдан муваффақиятли ўтган номзодлар суҳбатга таклиф этилади.
Олий ўқув юртларида таҳсил олаётган 3 ва 4-босқич талабалари ҳамда олий ўқув юртининг магистратура йўналиши талабалари учун Стажировка ўташ муддати 1 йилни ташкил қилади.
Стажерлар ҳар 3 ойда турли таркибий бўлинмаларга ротация қилинади, яъни стажер 1 йил мобайнида 4 та таркибий бўлинмада стажировка ўташ имкониятига эга бўлади.
Шунингдек, ҳар бир амалиётчига стажировка давомида мураббий бириктирилмоқда. Стажировка даврида амалиётчилар, мураббий ҳамда раҳбарлар мунтазам равишда қайта алоқа алмашиниши назарда тутилган.
Ушбу даврдан муваффақиятли ўтган стажерлар бўш (вакант) лавозимларга ишга қабул қилиниши мумкин.
Яна кўринг
Тарихий лаҳзани ифодаловчи эсдалик тангалари МКБАНКда сотувда
Кредитдан натижагача: Бухоролик тадбиркорларнинг муваффақият йўли
