Хабарингиз бор, жорий йилнинг август ойида Микрокредитбанк ҳамда "ODDO BHF" банки ўртасида ҳамкорлик ўрнатилган эди. Ушбу келишув доирасида учун Микрокредитбанкда янги кредит линияси ташкил этилди.
Ушбу кредит Германиянинг "ODDO BHF" банкининг експортёрлар ҳамда кичик ва корпоратив бизнес корхоналарни молиялаштириш кредити ҳисобидан Европа давлатларидан товар ва хизматлар сотиб олиш истагидаги тадбиркорлар учун ажратилинади.
Унга кўра, лойиҳанинг 50 фоизигача бўлган миқдорда, мижоз хоҳишига кўра AҚШ доллари ёки Еврода кредитларни расмийлаштириш мумкин. Бунда бошланғич тўлов буюртма суммасининг 15 фоизидан кам бўлмасган миқдорда бўлиши лозим.
Кредит муддати: 5-10 йилга банкка берилади.
12 йилгача – ҳаво транспорти, кемалар, атом бўлмаган електр станциялари, темир йўл инфратузилма йўналишига
18 йилгача қайта тикланадиган энергия йўналишига.
Маълумот учун: "ODDO BHF" - активларни бошқариш, хусусий капитал, корпоратив ва инвестицион банкинг бўйича ихтисослашган мустақил Европа молиявий гуруҳи. Бугунги кунда 60 000 дан зиёд мижозга эга бўлиб, умумий активлари сони 128 млрд Еврони ташкил этади.
