Тил - давлат тимсоли, мулки, руҳи, миллатнинг маданий ва маънавий бойлиги, урф-одати, тарихидир.
Эрта тонгдан МКБAНКда “Қадринг баланд бўлсин, она тилим” шиори остидаги “Тўғри ёзамиз” номли челленж ўтказилди.
Ундан сўнг ўзбек тилига давлат тили мақоми берилганлигининг 35 йиллиги муносабати билан МКБAНК бош офис ходимлари учун “Қадринг баланд бўлсин, она тилим” мавзусида маънавий-маърифий тадбир ташкил этилди.
Мазкур тадбирда Бошқарув раиси ўринбосари Иброҳимжон Мамажонов, Филология фанлари доктори, профессор ва таржимон Узоқ Жўрақулов, Ёзувчилар уюшмаси аъзоси, шоир Фаҳриддин Ҳайит иштирок этишди.
Тадбирда ўзбек тилининг аҳамияти, ҳар бир инсон ўз она тилини билиши, уни келажак авлодга етказишда оиладаги маънавий муҳитнинг аҳамияти тўғрисида фикр-мулоҳазалар билдирилди.
Aйниқса, шоир Фаҳриддин Ҳайитнинг она тили ҳақидаги шеърлари банк ходимларида катта таассурот қолдирди.
Шунингдек, тадбир давомида ходимлар ўртасида диктантлар танлови ҳам ўтказилиб, улар инновацион тарзда мобил телефонлари орқали диктант ёзишди ва ғолиблар меҳмонлар томонидан эсдалик совғалар билан тақдирланишди.
Тилни эъзозлаш, унинг мавқейини юксалтириш, ёш авлодни она тилига ҳурмат руҳида тарбиялаш эса ҳар биримизнинг маънавий бурчимиздир.
Ўзбек тилига давлат тили мақоми берилганлигининг 35 йиллик байрами барчамизга муборак бўлсин!
Банк Aхборот хизмати
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
