"Микрокредитбанк" бугунги кунда барча бюджет ташкилотлари учун корпоратив банк карталарини чиқариш ва уларга юқори сифатли хизмат кўрсатишга тўлиқ тайёр.
Ушбу ечим ташкилотларнинг молиявий жараёнларини сезиларли даражада соддалаштириб, тезкор ва шаффоф ишлаш имконини беради.
Тезкор харидлар - ортиқча оворагарчиликсиз
Корпоратив карта орқали товарлар ва хизматларни харид қилиш учун энди узоқ жараёнлар талаб қилинмайди. Амалдаги тартибга кўра, харидлар тўғридан-тўғри шартномалар асосида, ғазначиликда олдиндан рўйхатдан ўтказилмасдан амалга оширилади.
Натижада:
• Фавқулодда эҳтиёжлар бир неча дақиқада ҳал қилинади
• Иш жараёнлари тезлашади
Кичик харидлар учун:
• Шартнома тузиш
• Экспертизадан ўтказиш
• Тўлов ҳужжатларини тайёрлашда ортиқча ҳужжатлар ва жараёнлар камаяди. Бу эса вақтни тежаш билан бир қаторда ортиқча қоғозбозликни камайтиради.
Шаффофлик ва тўлиқ назорат
Ҳар бир транзаксия рақамли тизимлар орқали назорат қилинади:
• "UzASBO" дастури орқали реал вақт режимида мониторинг
• Банк кўчирмалари орқали доимий кузатув
Натижада маблағларнинг мақсадли сарфланиши таъминланади ва назорат кучаяди.
Карта орқали амалга оширилган харидлар электрон чек ва ҳисобварақ-фактуралар асосида автоматик тарзда бухгалтерияда акс эттирилади. Бу эса инсон омилини камайтиради, хатоларнинг олдини олади.
Бухгалтер учун қулай бошқарув
Ташкилот бухгалтерлари учун кенг имкониятлар мавжуд:
• Шахсий кабинет орқали карталарга пул ўтказиш
• Карталар орасида 24/7 пул ўтказиш
• Харажатлар учун лимит белгилаш
Шунингдек, юқори турувчи ташкилотлар қуйи ташкилотлар карталари устидан назорат ўрнатиши мумкин.
Корпоратив банк карталари - бу бюджет ташкилотлари учун тезкорлик, қулайлик, шаффофлик ва рақамли назоратни бирлаштирган замонавий молиявий ечимдир.
Bank Axborot xizmati
Яна кўринг
Дам олиш кунлари ҳам МКБАНК ишлайди!
“Китоб ўқиш соати”да “Икки эшик ораси” асари ўқилди
Челленж учун ўзбек адабиётининг дурдона асарларидан бири Ўткир Ҳошимовнинг “Икки эшик ораси” асари танланди.
