Телеграм” ижтимоий тармоғидаги “Банкир кундалиги” каналига Самарқанд вилояти Оқдарё туманида истиқомат қилувчи фуқаро Х.Н мурожаат йўллаган.
Унга кўра, фуқаро “Микрокредитбанк”нинг Лоиш филиалига микроқарз олмоқчи бўлиб ҳужжат топширгани, бироқ собиқ банк ходими С.Н томонидан унинг номига кредит олингани ва ишлатиб юборилгани келтирилган. Шундан сўнг, фуқаронинг аризасига асосан Оқдарё туман судида ушбу масала кўриб чиқилиб, собиқ банк ходимига тегишли жазо чоралари тайинлангани, бироқ фуқаронинг 7 млн 200 минг сўм муддати ўтган қарздорлик мавжуд эканлиги ҳамда кредит тарихи ўзига боғлиқ бўлмаган ҳолда салбий бўлиб қолганлиги келтирилган.
Ушбу мурожаат ўрганилганда, ҳақиқатдан ҳам фуқаро Х.Н ва “Микрокредитбанк”АТБ Лоиш филиали ўртасида 2020 йил 30 октябрда 25 000 000 (йигирма беш миллион) сўм миқдорида микроқарз ажратиш тўғрисида шартнома имзолангани, мижоз ўзи пластик карточкаларни қайд қилиш китобига рўйхатга олиниб, ўзини имзоси билан банк картасини олгани ҳамда микроқарз ҳам айнан мижоз банкдан олиб кетган банк картасига ўтказиб берилгани аниқланди.
Судда ҳам собиқ банк ходими С.Н фуқаро Х.Н ишончига кириб, унинг пулларини ўзлаштиргани исботланган ҳамда 20 850 000 (йигирма миллион саккиз юз эллик минг) сўм микроқарзни асосий қисми судланувчи томонидан тўлаб берилган Судда жабрланувчига асосий қарздан ташқари ҳисобланган фоизлари бўйича моддий зарарни ундириб бериш бўйича Фуқаролик ишлари бўйича судларга мурожаат қилиш ҳуқуқига эга эканликлари тушунтириб ўтилган.
Шу ўринда такидлаш лозимки, фуқаро Х.Н мурожаати бу икки фуқаронинг ўзаро ёки ҳуқуқни муҳофаза қилиш органлари ёрдамида ҳал этиладиган масаласидир.
Банк ходимлари томонидан мурожаатчи Х.Н.га вазият тушунтирилгач, 12 октабр куни банкдан олинган микроқарз кредити ҳисобига юзага келган фоиз қарздорлиги тўлиқ мижоз томонидан тўлаб, бугунги кунда банк олдидаги мажбурияти тўлиқ қопланган.
Банк Ахборот хизмати
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
