2022 йил 12 октябрь куни “Банкир кундалиги” телеграм каналида фуқаро Гулшода Қурязованинг эътирозли хабари тарқалди. 

Унда фуқаро 2022 йил 9 сентябрь куни “Микрокредитбанк” АТБ Хива филиалига ёш дастурчилар (Бир миллион дастурчи)  учун мўлжалланган имтиёзли кредит олиш мақсадида боргани, аммо банк ходимлари бундай имтиёзли кредит билан ишлашга вақти йўқлигини айтиб, мижозга қўпол муносабатда бўлгани устидан шикоят қилган. 

Юқоридаги эътироз бўйича қуйидагиларни маълум қиламиз.

Мазкур ҳолат тегишли мутахассислар билан ўрганилганда, ҳақиқатан ҳам, банк ходимлари ўша куни таълим кредити бўйича буюртмалар кўплиги, шунинг учун Гулшода Қурязовага навбат кутиб туриши тушунтирилгани, мижоз эса кутишни истамай, бошқа банкка боришини айтиб, банкдан чиқиб кетгани маълум бўлди.  

Таъкидлаш лозимки, биргина Хива филиали томонидан “Бир миллион дастурчи” лойиҳаси доирасида шу пайтгача 207 нафар ёшларга 1 млрд. 421 млн. сўм миқдорида имтиёзли кредит маблағлари ажратиб берилган. Айни пайтда ҳам тегишли ҳужжатларни тақдим қилган мижозларга ҳеч бир тўсиқларсиз кредитлар ажратиб берилмоқда.

Банк Ахборот хизмати