Китоб – шунчаки қоғоз ва сатрлар эмас. У – тажриба, билим, ҳаёт фалсафаси ва оламни англаш калити. Китоб ўқиш инсонни фақат маʼлумот билан эмас, балки ақл, руҳ ва дунёқараш билан ҳам бойитади.
Микрокредитбанк ходимлари ўртасида китобхонлик маданиятини кенг тарғиб қилиш, уларнинг маʼнавий дунёсини бойитиш ва касбий самарадорликни ошириш мақсадида Ёшлар ишлари агентлиги томонидан амалга оширилаётган Мутолаа лойиҳаси бўйича ҳамкорлик йўлга қўйилди.
Бугун мазкур лойиҳа доирасидаги Мутолаа Премиум тақдимоти бўлиб ўтди. Тадбир давомида ўзбек тилидаги энг сара 3500 дан ортиқ аудио ва электрон китоблар жамланган илованинг имкониятлари таништирилди.
Та’кидлаш керакки, банк ходимлари учун бундай лойиҳалар – касбий ўсиш, шахсий ривожланиш ва жамоа ичида маʼнавий муҳитни мустаҳкамлашда муҳим аҳамиятга эга.
Ҳамкорлик доирасида ушбу лойиҳа янада кенг қамровли тарзда давом эттирилиши келишиб олинди.
Банк Ахборот хизмати
Яна кўринг
