Музработда банк хизматлари ярмаркаси ташкил этилди

Аҳоли ва тадбиркорларнинг молиявий саводхонлигини ошириш, банк хизматлари ва маҳсулотлари ҳақида батафсил маълумот бериш мақсадида Сурхондарё вилояти Музработ туманида банк хизматлари ярмаркаси ташкил этилди.

Ярмарка давомида Микрокредитбанк мутахассислари томонидан фуқаролар ва тадбиркорларга банк томонидан кўрсатилаётган замонавий банк хизматлари, кредит маҳсулотлари, омонатлар, тўлов хизматлари ҳамда тадбиркорлик фаолиятини молиялаштириш имкониятлари ҳақида маълумотлар тақдим этилди.

Шунингдек, ёшлар ва аҳоли вакилларининг саволларига мутахассислар томонидан батафсил жавоб берилиб, мавжуд имкониятлардан фойдаланиш тартиби юзасидан зарур тавсиялар берилди.

Сиз ҳам МКБАНК хизматларидан фойдаланмоқчи бўлсангиз, банк мутахассисларига мурожаат қилинг ва ўзингиз учун қулай молиявий ечимларни танланг.

Банк хизматлари ярмаркаси — аҳолига қулай ва сифатли молиявий хизматларни янада яқинлаштиришга хизмат қилади.