Юртбошимизнинг аҳоли фаровонлиги ва инсон қадрини улуғлаш мақсадида амалга оширилаётган ислоҳотлари ҳамда Ўзбекистон Республикаси Президентининг 2024-йил 23-сентабрдаги ПҚ-330-сонли “Камбағалликдан фаровонлик сари” дастурини амалга ошириш бўйича биринчи навбатдаги чора-тадбирлар тўғрисида”ги қарори иқтисодиётни юксалтиришга қаратилганлиги билан аҳамиятлидир. 
Мазкур қарорда белгилаб берилган вазифалар ижросини таъминлаш ва “Камбағалликдан фаровонлик сари” дастурига асосан “Микрокредитбанк” AТБ томонидан ҳам тадбиркорликни қўллаб-қувватлаш орқали аҳоли бандлигини таъминлаш ва шу орқали даромадини ошириш бўйича жойларда масъуллар иштирокида турли учрашувлар ўтказилмоқда. 
Навбатдаги учрашувлар Навоий вилоятининг Навоий ва Газғон шаҳрида, Кармана ва Хатирчи туманларида бўлиб ўтди. Унда “Микрокредитбанк” AТБ масъул ходимлари, туман ҳокимлиги, маҳалла еттилиги, тадбиркорлар ва аҳоли вакиллари иштирок этишди. 
Унда аҳоли ва маҳаллий тадбиркорларнинг муаммолари ўрганилиб, манзилли ечимлар берилди. Жумладан, 9 та мурожаатнинг 3 тасига 300 млн кредит ажратилиб, ижобий ҳал қилинди. 
Очиқ мулоқот шаклида ўтказилган учрашувда туман ва шаҳарлардаги тадбиркорлар фаолиятини ривожлантириш, кўпроқ иш ўринлари яратиш, янги лойиҳалар учун кредитлар ажратилиши, имтиёзли кредитлардан самарали фойдаланиш борасида маълумотлар берилди.
Шунингдек, Ғазғон шаҳар Мармаробод МФЙ биносида бўлиб ўтган учрашувда ҳам 2 та мурожаат тингланиб, тадбиркорга 100 млн сўм кредит ажратилди. 
МКБAНК мутасаддиларининг Навоий вилоятидаги аҳоли ва тадбиркорлар билан учрашувлари давом этмоқда.
Банк Aхборот хизмати
