Бугун Президентимиз томонидан аҳоли фаровонлиги ва инсон қадрини улуғлаш мақсадида амалга оширилаётган ислоҳотлар том маънода иқтисодиётни юксалтиришга қаратилган десак, адашмаган бўламиз.
Хусусан, Ўзбекистон Республикаси Президентининг 2024-йил 23-сентабрдаги ПҚ-330-сонли “Камбағалликдан фаровонлик сари” дастурини амалга ошириш бўйича биринчи навбатдаги чора-тадбирлар тўғрисида”ги қарори ҳам муҳим ҳужжатдир.
Мазкур қарорда белгилаб берилган вазифалар ижросини таъминлаш ва “Камбағалликдан фаровонлик сари” дастурига асосан “Микрокредитбанк” AТБ томонидан ҳам тадбиркорликни қўллаб-қувватлаш орқали аҳоли бандлигини таъминлаш ва шу орқали даромадини ошириш бўйича жойларда масъуллар иштирокида турли учрашувлар ўтказилмоқда.
Бугун Навоий вилоятининг Қизилтепа тумани Зарметан МФЙ биносида ва Навбаҳор туман ҳокимлик биносида “Микрокредитбанк” AТБ масъул ходимлари, туман ҳокимлиги, маҳалла еттилиги, тадбиркорлар ва аҳоли иштирокида учрашув бўлиб ўтди.
Очиқ мулоқот тарзида ўтказилган учрашувда тумандаги тадбиркорлар фаолиятларини ривожлантириш, кўпроқ иш ўринлари яратиш, янги лойиҳалар учун кредитлар ажратилиши, имтиёзли кредитлардан самарали фойдаланиш борасида маълумотлар берилди.
Шунингдек, учрашувда тумандаги тадбиркорлик билан шуғулланиш истагидаги аҳоли томонидан Президентимизнинг 2024-йил 7-сентабрдаги ПҚ-312-сонли “Кичик бизнесни узлуксиз қўллаб-қувватлаш” комплекс дастурини такомиллаштириш чора-тадбирлари тўғрисида”ги қарорига асосан кредит олиш истаги билдирилди.
Бу каби учрашувлар белгиланган тартибда Навоий вилоятининг қолган туманларида ҳам давом эттирилади.
Банк Aхборот хизмати
Яна кўринг
Тарихий лаҳзани ифодаловчи эсдалик тангалари МКБАНКда сотувда
Кредитдан натижагача: Бухоролик тадбиркорларнинг муваффақият йўли
