Нукус шаҳрида маҳалла банкирлари учун давра суҳбати ташкил этилди.

Унда "Микрокредитбанк" АТБ Бошқарув раиси ўринбосари Шаҳло Ибрагимова, Қорақалпоғистон Республикаси ҳудудий бошқармаси бошлиғи ўринбосари Азизбек Нурабуллаев, Марказий Банк Қорақалпоғистон Республикаси Бош бошқармаси бўлим бошлиғи Аббаз Эрназаров, Маҳаллабай ишлаш ва ҳудудий лойиҳаларни бошқариш департаменти директори ўринбосари Абдуғани Ачилдиев, 15 нафар маҳалла банкири ва 51 нафар ёрдамчи агент иштирок этди.





Ушбу тадбирда мутахассислар томонидан маҳалла банкирлари ва агентларига молиявий, ҳуқуқий билим ва кўникмалар ҳақида тушунчалар берилди.

Аҳоли айниқса хотин-қизларни тадбиркорликка жалб қилиш, аёллар ҳунармандчилигини қўллаб-қувватлаш, томорқа ерларидан самарали фойдаланиш орқали маҳаллаларни ишсизликдан холи ҳудудга айлантириш бўйича тавсия ва маслаҳатлар берилди.





Эътиборли жиҳати шундаки, 50 нафар ёрдамчи-агентларнинг барчаси хотин-қизлардан иборат бўлиб, бу орқали хотин-қизларга молиявий хизматлар кўрсатишдаги фаоллик янада ошади.





Давра суҳбати давомида Маҳалла банкирлари ва агентларининг вазифалари билан бирга мажбуриятлари бўйича ҳам ҳуқуқий тушунтиришлар берилди.