Ўзбекистонда нақд пулсиз ҳисоб-китоблар ва замонавий молиявий хизматларни ривожлантириш йўлида муҳим қадам қўйилди. UZCARD миллий тўлов тизими ўзининг илк миллий кредит карталарини расман муомалага чиқарди.
UZCARD кредит картаси лойиҳасини мамлакатимиз банклари орасида биринчи бўлиб Микрокредитбанк (МКБАНК) амалиётга жорий этди.
2026 йил 25 июндан бошлаб UZCARD кредит картасини Микрокредитбанкнинг барча Банк хизматлари марказлари ва офисларида расмийлаштириш мумкин бўлади.
Кредит карта — бу банк томонидан ажратилган кредит лимити доирасида тўловларни амалга ошириш имконини берувчи замонавий тўлов воситасидир. У мижозларга харидларни қулай режалаштириш, кутилмаган харажатларни қоплаш ҳамда кундалик тўловларни қўшимча молиявий имкониятлар билан амалга оширишга ёрдам беради.
Оддий микроқарздан фарқли ўлароқ, кредит картасининг бир қатор афзалликлари мавжуд:
Қайта тикланадиган кредит лимити - ишлатилган маблағ қайтарилгандан сўнг, кредит лимити қайта тикланади ва ундан яна фойдаланиш мумкин бўлади.
Қулай ва кенг қамровли тўловлар - UZCARD инфратузилмасига уланган савдо ва хизмат кўрсатиш шохобчаларида тўловларни амалга ошириш имконияти мавжуд.
Онлайн бошқарув - кредит лимити, қарздорлик ва тўловларни банкнинг мобил иловаси орқали масофадан туриб назорат қилиш ва бошқариш имконияти мавжуд.
МКБАНКнинг UZCARD кредит картаси мижозларга замонавий, қулай ва мослашувчан молиявий ечимлардан фойдаланиш имкониятини тақдим этиб, мамлакатда кредит маҳсулотлари экотизимини ривожлантиришга хизмат қилади.
Банк Ахборот хизмати
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
