24-октябрь “Микрокредитбанк” АТБ ташаббуси билан навбатдаги “Раҳбар ва ёшлар” учрашуви Жиззах вилояти Шароф Рашидов тумани ҳокимлигида бўлиб ўтди.
Тадбирда Бошқарув раиси ўринбосари А.Мустафаев, Кичик бизнес департаменти директори Ф.Ғайбуллаев, Ёшлар ишлари агентлиги Жиззах вилоят бошқармаси бошлиғи М.Рахмонбердиев ва тадбиркор ёшлар, маҳалла ёшлари иштирок этди.
Учрашувда 200 нафарга яқин ёшлар, жумладан, техникум талабалари фаол қатнашди. Улар билан молиявий саводхонлик, тадбиркорликни бошлаш ва бандликни таъминлаш мавзуларида очиқ суҳбат ўтказилди.
Шунингдек, маҳаллалардаги “Оғир тоифадаги” ёшларнинг бандлиги, уларни ижтимоий ҳаётга фаол жалб этиш масалалари юзасидан амалий тавсиялар берилди ва уларга тадбиркорликни йўлга қўйишда ёрдам бериш борасида фикр алмашилди.
Учрашувда Бошқарув раиси ўринбосари А.Мустафаев коррупциянинг жамият ва иқтисодиётга салбий таъсири ҳамда унга қарши курашиш бўйича банкда амалга оширилаётган ишлар ҳақида ҳам батафсил маълумот бериб ўтди.
Тадбир сўнгида ёшлар ўзларини қизиқтирган саволларга батафсил жавоб олиш билан бирга лойиҳалари бўйича ҳам фикр алмашди ва масъулларга уларни қўллаб-қувватлаш бўйича топшириқлар берилди.
Албатта, бугунги учрашув ёшлар учун нафақат мулоқот майдони, балки янги билим ва илҳом манбаига айланди!
Банк Ахборот хизмати
Яна кўринг
Банк раҳбарияти Бухоро вилоятида аҳоли ҳамда тадбиркорлар билан учрашув ўтказди
Микрокредитбанк раҳбарияти иштирокидаги бу каби тадбирлар бошқа ҳудудларда ҳам давом эттмоқда
Бизнесингизни “Келажакка Қадам” билан ривожлантиринг!
