“Микрокредитбанк” АТБ Бошқарув раиси ўринбосари Баҳодир Алланиязов Бухоро вилояти Ромитан туманидаги Банк хизматлари марказида тадбиркорлар билан очиқ мулоқот ўтказди.
Учрашувда туманда фаолият юритаётган 20 нафарга яқин тадбиркорлар иштирок этиб, ўзларини қизиқтирган саволларга мутасаддилардан жавоб олишди. Ўз навбатида, йиғилганларга банк томонидан тадбиркорларга таклиф этилаётган кредит маҳсулотлари, факторинг хизматлари ҳақида ма’лумотлар берилди.
Хусусан, очиқ мулоқотда тумандаги “Вароско Газ” ОИЛ — автогаз қуйиш шохобчаси фаолиятини ривожлантириш учун 300 млн сўм, “Био Фармсервис” МЧЖ — дорихона фаолиятини йўлга қўйиш учун 100 млн сўм, “Достон Мемориалс Қурилиш” МЧЖ фаолиятини ривожлантириш учун 300 млн сўмлик кредит олишга эҳтиёжлари борлигини билдиришди.
Учрашув якунида барча тадбиркорларнинг мурожаатлари тегишли мас’уллар томонидан ўрганилиб, ҳуқуқий ва молиявий ёрдам кўрсатилиши белгиланди.
Банк Ахборот хизмати
Яна кўринг
МКБАНК ходими “МЎЪТАБАР АЁЛ” кўкрак нишони билан тақдирланди!
