Бугундан Ипак йўлида жойлашган қадимий шаҳар Самарқандда етакчи иқтисодчилар, нуфузли инвесторлар ва халқаро экспертларни жамлаган иккинчи Ўзбекистон иқтисодий форуми бошланди.
Унда Ўзбекистоннинг келгуси беш йиллик тараққиёт стратегияси, унинг мақсадлари, истиқболлари, имкониятлари ва вазифаларини муҳокама қилинади.
“Silk Road Samarkand” туристик марказида ўтаётган тадбирнинг асосий мавзуси “Инсон манфаатларини иқтисодий ислоҳотларнинг бош мазмунига айлантириш” деб эълон қилинди.
Таъкидлаш жоизки, форум доирасида “Микрокредитбанк” АТБ ва “Хусусий секторни ривожлантириш ислом корпорацияси” ўртасида 30 млн. долларлик ҳамкорлик келишуви имзоланиши кутилмоқда. Мазкур келишув исломий молиялаштириш тамойиллари асосида кичик бизнесни қўллаб-қувватлашни кўзда тутади.
Форумда Жаҳон банки минтақавий вице-президенти Aнна Бжерде, Осиё тараққиёт банки вице-президенти Шихин Чен, Иқтисодий тараққиёт ва камбағалликни қисқартириш вазири Жамшид Қўчқоров, молия вазири Тимур Ишметов ва бошқа маърузачилар иштирок этиши кутилмоқда.
Шунингдек, иқтисодий ўсишни таъминлашда хусусий секторнинг роли, ўзгарувчан муҳитда пул-кредит ва макропруденсиал сиёсат ҳамда яшил иқтисодиётга ўтиш зарурати каби мавзулар ҳам форумнинг муҳокама марказида бўлади.
Мазкур форум эртага ҳам давом этади.
Банк ахборот хизмати
Яна кўринг
Коррупциясиз банк: МКБАНКда навбатдаги ўқув семинари ташкил этилди
Семинар давомида ходимлар ўзларини қизиқтирган саволларга жавоб олиш билан бирга, бу иллатга биргаликда курашиш лозимлигини билдиришди.
МКБАНК ходими “МЎЪТАБАР АЁЛ” кўкрак нишони билан тақдирланди!
