Бугун жамиятда адолат ва қонун устуворлигини олий даражага кўтариш, замонавий давлат бошқарувини жорий этишда давлат хизматчиларида коррупсиявий ҳолатларнинг барча кўринишларига қатъий курашиш руҳиятини шакллантириш муҳим сиёсатга айланди. Бу эса ҳам бир шахс қалбида ҳаллолик вакцинаси уйғонишига хизмат қилмоқда.
“Микрокредитбанк” АТБ Самарқанд вилоят ҳудудий бошқармасида коррупцияга қарши курашиш, манфаатлар тўқнашуви ва одоб-ахлоқ қоидалари мавзусига бағишланган навбатдаги ўқув семинари бўлиб ўтди.
Мазкур ўқув машғулотида “Микрокредитбанк” АТБ Раҳбарияти, Самарқанд вилояти ИИБ Ахборот технологиялари соҳасидаги жиноятларга қарши кураш бошқармаси муҳим топшириқлар бўйича инспектори, капитан Ж.Ш.Нуралиев, Самарқанд шаҳар прокурори ёрдамчиси 3-даражали юрист Х.Қ.Гулмуродов ва банк ходимлари иштирок этди.
Семинарда коррупциянинг салбий оқибатлари, қонунчиликда белгиланган жавобгарлик чоралари, кибержиноятчилик ва киберкоррупсиянинг хавфли жиҳатлари ҳамда ушбу иллатларга қарши муросасиз кураш олиб бориш зарурлиги таъкидланди.
Коррупцияга қарши курашиш соҳасида ижобий ютуқларга эришган ривожланган давлатларнинг бу борадаги тажрибаси шуни кўрсатмоқдаки, коррупция кўринишларининг оқибати билан курашиш эмас, балки уни келтириб чиқараётган сабабларини бартараф этиш ўз самарасини беради.
Қайд этилганидек, бугунги кунда давлат органлари ва ташкилотларига коррупцияга қарши курашиш, давлат хизматига ҳалоллик стандартларини жорий этиш бўйича қатор стандартларни ўз фаолиятига жорий этиш юзасидан вазифалар белгилаб берилди. Натижада кўпгина ташкилот ва идораларда коррупцияга қарши ички назорат (комплеанс назорати) тизими фаолияти йўлга қўйилди.
Мулоқот мобайнида жамиятда коррупцияга қарши муросасизликни кучайтириш, ушбу иллатга қарши курашишда ижтимоий фаолликни ошириш юзасидан фикр-мулоҳаза ва таклифлар билдирилди.
Семинар якунида банк ходимлари ўзларини қизиқтирган саволларга жавоб олдилар.
Банк Ахборот хизмати
Яна кўринг
Коррупциясиз банк: МКБАНКда навбатдаги ўқув семинари ташкил этилди
Семинар давомида ходимлар ўзларини қизиқтирган саволларга жавоб олиш билан бирга, бу иллатга биргаликда курашиш лозимлигини билдиришди.
МКБАНК ходими “МЎЪТАБАР АЁЛ” кўкрак нишони билан тақдирланди!
