Бугун ёшларнинг давлат ва жамият ҳаётида фаол иштирокини кучайтириш, уларнинг ташаббусларини қўллаб-қувватлаш ва энг муҳими, эртанги кунимизни янада мустаҳкам пойдевор асосида қуриш йўлида муҳим ишлар амалга оширилмоқда.
Самарқанд вилоятидаги “Раҳбар ва ёшлар” учрашуви бунга мисол бўла олади.
“Микрокредитбанк” АТБ ташаббуси билан ташкил этилган “Раҳбар ва ёшлар” учрашувининг навбатдаги манзили Самарқанд вилояти бўлди. Мазкур учрашувда “Микрокредитбанк” АТБ Бошқарув раиси ўринбосари Ш.Ибрагимова, Маҳалла ёшлар етакчилари ва юздан зиёд фаол ёшлар қатнашди.
Самимий руҳда ўтган учрашувда банк раҳбарияти ёшларни қизиқтирган саволларга жавоб бердилар, тадбир иштирокчиларининг таклиф ва ташаббусларини тингладилар. Билдирилган ташаббус ва таклифларни ўрганиш ҳамда уларни келгусида биргаликда амалга ошириш бўйича ишларни ташкил этиш белгилаб олинди.
Шунингдек, банк маҳсулотлари, ПҚ-60 қарори асосида тақдим этилаётган кредитлар ва ажратилган кредитларни мақсадли ишлатилиши бўйича ҳам тушунтиршлар берилди.
Тадбир давомида 30 дан ортиқ ёшлар ўз таклифларини билдирган бўлса, уларнинг 6 таси шу жойнинг ўзида ҳал қилинди. Бу эса давлатимиз раҳбари белгилаб берган “Ёшлар – келажагимиз” тамойили амалда қандай ишлаётганининг ёрқин исботидир.
Банк Ахборот хизмати
Яна кўринг
Тарихий лаҳзани ифодаловчи эсдалик тангалари МКБАНКда сотувда
Кредитдан натижагача: Бухоролик тадбиркорларнинг муваффақият йўли
