Жорий йилнинг 27-cентzбр куни «Микрокредитбанк» АТБ Бошқарув раиси ўринбосари Шахло Ибрагимова, Ижтимоий дастурларни амалга ошириш департаменти вакиллари ҳамда «Микрокредитбанк» АТБ Сирдарё вилоят ҳудудий бошқармаси бошқарувчиси Илҳом Искановлар Сирдарё вилоятининг Сардоба туманига ташриф буюрди. Тадбирда шунингдек, Сардоба туман ҳокимлиги, туман фаоллари ва хотин-қизлар иштирок этишди.
Ташрифдан кўзланган мақсад, сардобалик хотин-қизлар бандлигини таъминлаш, уларни тадбиркорлик фаолиятига кенг жалб этиш, таклиф ва ташаббусларини ўрганиш, шу билан бирга тадбиркор аёллар фаолияти билан танишишдан иборат.
Ташриф аввалида хотин-қизлар бандлигини таъминлаш, уларни тадбиркорликка жалб этиш, муаммо ва мурожаатларини ўрганиш мақсадида туман хотин-қизлари билан учрашув ташкил этилди. Учрашув давомида хотин-қизлар тадбиркорлигини қўллаб-қувватлаш мақсадида жорий этилган янги маҳсулотлар, имтиёзли кредитлар ва улардан фойдаланиш тартиби бўйича маълумотлар берилди.
Тадбир давомида «Микрокредитбанк» АТБнинг молиявий кўмагида ўз тадбиркорлик фаолиятини йўлга қўйган хотин-қизлар томонидан ишлаб чиқарилаётган маҳсулотлар кўргазмаси ҳам ташкил этилди.
Масалан, туманнинг Наврўз маҳалласида истиқомат қилувчи Мунира Дулонова асаларичилик фаолияти билан шуғулланади. Бунинг учун банк томонидан дастлаб 33 млн. сўм миқдорда имтиёзли кредит ажратилган эди. Кредитларни ўз вақтида сўндириб, яна 30 млн. сўм миқдордаги имтиёзли кредитдан фойдаланган ҳолда фаолиятини янада кенгайтирди. Мунира опа хонадонида бугунги кунда 50 та асалари оиласи парваришланмоқда. Кўргазмада ўз маҳсулотларини намойиш этар экан, у бугунги кунда хотин-қизларга берилаётган имконият ва имтиёзлар натижасида юқори даромадга эга бўлаётганини ва тез орада махсус бренд остида маҳсулотларини ички бозорга чиқаришини билдирди.
Яна шу куни туманда ташкил этилган Мономарказдаги хотин-қизларни касб-ҳунарга ва тадбиркорлик кўникмаларига ўқитиш борасидаги ишлар ҳам кўздан кечирилди.
Ўқишни тугатаётган ёшларга мустақил равишда фаолият бошлаши учун таклифлар берилди. Таъкидлаш лозимки, бугунги кунда хотин-қизлар бандлигини таъминлаш бўйича амалий ишларнинг салмоғи Сардоба туманида сезиларли даражада ортди. Дастур асосида хотин-қизларни касбга ўқитиш ва бандлигини таъминлаш, уларни тадбиркорликка кенг жалб этиш бўйича ишларни мутлақо янгича ёндашувлар ва тизим асосида ташкил этилиши бўйича маҳаллалар кесимида манзилли режалар белгилаб олинди. Натижада эса бугунги кунда Сардоба туманидаги 900 нафарга яқин хотин-қизлар касб-ҳунар, тадбиркорлик кўникмалари ва молиявий саводхонликка ўқитилди. Йил якунига қадар яна 600 нафарга яқин хотин-қизларни тумандаги Мономарказда ўқитиш режалаштирилган.
«Микрокредитбанк» АТБ томонидан Ўзбекистон Республикаси Президентининг 2024 йил 7 мартдаги "Хотин-қизлар тадбиркорлигини йўлга қўйиш ва ривожлантиришни қўллаб-қувватлашга оид қўшимча чора-тадбирлар тўғрисида"ги қарорининг ижросини таъминлаш мақсадига қаратилган амалий ишлар давом этади.
Яна кўринг
Брифинг: 2025 йилда амалга оширилган ишлар ва 2026 йилги режалар ҳусусида
МКБАНкнинг Хоразм вилоят ҳудудий бошқармаси Марказий банк томонидан тақдирланди
Ушбу ютуқ ва эътироф жамоамизнинг масъулиятли ҳамда самарали меҳнатининг яққол ифодасидир.
Бошқарув раиси О.Бутаев Бухорода тадбиркорлар билан учрашди
Ушрашувда тадбиркорлар ўз фаолиятидаги муаммолар, молиявий эҳтиёжлар ва янги лойиҳалар юзасидан ҳам фикр алмашиш имконига эга бўлишди.
