Мамлакатимизда инсон манфаатлари олий қадрият даражасига кўтарилди. Бугун барча давлат идоралари фаолиятида аҳолининг мурожаатлари билан ишлаш бўйича сифат жиҳатидан мутлақо янги тизим яратилди. Жойларда ўтаётган сайёр қабуллар халқнинг дардини ешитиш, уларнинг муаммоларини ҳал етишда, шак-шубҳасиз, кутилган натижаларни бермоқда.
Микрокредитбанк AТБ ҳам аҳоли мурожаатларини ўрганиш, жойлардаги реал вазиятлар билан танишиш мақсадида доимий тарзда сайёр қабуллар ўтказиб келмоқда.
Ушбу учрашув ва сайёр қабуллар давомида маҳаллий дастурларга киритилган лойиҳаларни ўз вақтида молиялаштириш, аҳолининг кенг қатламлари, энг аввало эҳтиёжманд оилалар, ишсиз ёшлар ва хотин-қизлар рўйхатини шакллантириш ва улар билан манзилли ишлаш бўйича “Темир дафтар”, “Ёшлар дафтари” ва “Аёллар дафтари” жорий қилинганлиги, бу борада фуқароларни тадбиркорлик фаолиятига жалб қилишда уларга белгиланган тартибда кредит ажратиш тартиблари ҳамда банк хизмат турлари тўғрисида батафсил тушунтиришлар берилмоқда.
Хусусан, жорий йилнинг 9 ойида банк Бошқаруви раҳбарияти томонидан 20 маротаба сайёр қабуллар ташкил етилиб, аҳоли ва тадбиркорлик субъектларининг мурожаатлари қабул қилинди. Мазкур сайёр қабуллар давомида 344 нафар фуқаролардан мурожаатлар тушган бўлиб, ушбу мурожаатларнинг 244 таси ижобий йечилган бўлса, 100 тасига ҳуқуқий тушунтиришлар берилди.
Банк Бошқаруви томонидан бу каби учрашув ва сайёр қабулларни келгусида ҳам ташкил қилиш ҳамда аҳоли ва тадбиркорлик субъектларининг мурожаатларини ҳал етиб бориш режалаштирилган.
Банк Ахборот хизмати
