«Микрокредитбанк» АТБ жисмоний шахслар учун АҚШ доллари ва еврода амалга ошириладиган носавдо туридаги халқаро SWIFT ўтказмалари бўйича махсус тарифни жорий этди.
Эндиликда мазкур турдаги ўтказмаларни амалга оширишда ўтказма суммасидан қатъи назар, хизмат ҳақи 600 000 сўмни ташкил этади.
Шу билан бирга, аввал амалда бўлган комиссия ҳамда қўшимча равишда ундирилган 1 базавий ҳисоблаш миқдоридаги тўлов бекор қилинди. Яъни, акция доирасида мижозлар учун SWIFT ўтказмаси бўйича ягона хизмат ҳақи — 600 000 сўм этиб белгиланган.
Махсус тариф 2026 йил 31 декабргача амал қилади.
SWIFT ўтказмалари қуйидаги носавдо мақсадларида амалга оширилиши мумкин:
- таълим харажатларини тўлаш;
- даволаниш билан боғлиқ тўловларни амалга ошириш;
- туризм ва саёҳат харажатларини қоплаш;
- шахсий эҳтиёжлар учун халқаро тўловларни амалга ошириш;
- бошқа носавдо туридаги халқаро тўловларни амалга ошириш.
Муҳим: ўтказма суммаси қанча бўлишидан қатъи назар, хизмат ҳақи 600 000 сўмни ташкил этади. Бунда аввалги комиссия ва 1 БҲМ миқдоридаги қўшимча тўлов ундирилмайди.
Батафсил маълумот олиш учун «Микрокредитбанк» АТБнинг банк хизмат кўрсатиш офисларига мурожаат қилишингиз мумкин.
Банк Ахборот хизмати
Яна кўринг
Техник созлаш ишлари амалга оширилади!
МКБАНКда "Қадринг баланд бўлсин, Она тилим!" шиори остида Оммавий диктант танлови ўтказилди
