Куни кеча «Микрокредитбанк» АТБ Навоий вилояти ҳудудий бошқармасида «Тўғри йўлни танла — биз коррупцияга қаршимиз!» шиори остидаги навбатдаги ўқув-семинари ташкил этилди.
Унда «Микрокредитбанк» Бошқаруви Коррупцияга қарши назорат департаменти шўба мудири Ф.Ҳимматов, Навоий вилояти Ички ишлар бошқармаси Коррупцияга қарши курашиш бошқармаси ходими О.Қулжанов, Навоий шаҳар прокуратураси катта терговчиси А.Холиқов, Навоий шаҳар «Ўзбекистон» маҳалла фуқаролар йиғини профилактика инспектори Ш.Ўроқовлар иштирок этиб, мамлакатимизда коррупциянинг салбий оқибатлари ва унга қарши курашиш юзасидан олиб борилаётган чора-тадбирлар юзасидан фикр-мулоҳазаларини билдирдилар.
Сeминар давомида коррупция ўта хавфли жиноят сифатида инсоннинг ҳаёти, соғлиги, мулкига ҳамда жамиятга катта хавф туғдирувчи иллат эканлиги таъкидланди. Шунингдек, иштирокчиларга Ўзбекистон Республикаси Марказий банкининг коррупцияга қарши курашишга оид ички меъёрий ҳужжатлари мазмун-моҳияти тушунтирилди.
Тадбирда коррупцияга қарши курашиш соҳасида олиб борилаётган ислоҳотлар, шунингдек, жамиятда коррупцияга қарши муросасиз муносабатни шакллантиришга йўналтирилган тизимли ишлар хусусида ҳам атрофлича сўз юритилди.
Банк Ахборот хизмати
Яна кўринг
Коррупциясиз банк: МКБАНКда навбатдаги ўқув семинари ташкил этилди
Семинар давомида ходимлар ўзларини қизиқтирган саволларга жавоб олиш билан бирга, бу иллатга биргаликда курашиш лозимлигини билдиришди.
МКБАНК ходими “МЎЪТАБАР АЁЛ” кўкрак нишони билан тақдирланди!
