Мамлакатимизда тадбиркорликни қўллаб-қувватлаш, кичик бизнес ва хусусий секторни ривожлантириш орқали аҳоли бандлигини таъминлаш ва турмуш даражасини ошириш давлат сиёсатининг устувор йўналишларидан бири ҳисобланади.
Ана шу мақсадда, Самарқанд вилояти Пахтачи тумани Сардоба маҳалласида “Микрокредитбанк” АТБ Бошқарув раиси ўринбосари И.Мамаджанов бошчилигида аҳоли ва тадбиркорлар билан учрашув ўтказилди.
Унда Президентимизнинг жорий йил 19 мартдаги “Кичик ва ўрта бизнеснинг иқтисодиётдаги ўрнини ошириш чора-тадбирлари тўғрисида”ги фармони билан тадбиркорлар учун яратилган имтиёзлар хусусида батафсил маълумотлар берилди.
Шунингдек, тумандаги тадбиркорлар фаолиятини ривожлантириш, кўпроқ иш ўринлари яратиш, янги лойиҳалар учун кредитлар ажратилиши ва имтиёзли кредитлардан самарали фойдаланиш масалалари ҳам муҳокама қилинди.
Учрашувда 50 дан ортиқ фуқаролар қатнашиб, 30 дан ортиқ мурожаатлар эшитилди ва қисқа муддатда бажариш бўйича масъуллар белгиланиб, чора-тадбир ишлаб чиқилди.
Банк Ахборот хизмати
Яна кўринг
МКБАНК ходими “МЎЪТАБАР АЁЛ” кўкрак нишони билан тақдирланди!
