Марҳамат туманининг “Шўрқақир” маҳалласида тадбиркорлар ҳамда ижтимоий реестрга киритилган фуқаролар билан учрашув ўтказилмоқда.
Унда Марҳамат тумани ҳокими Илёсбек Умрзақов, “Микрокредитбанк” АТБ Бошқарув раиси ўринбосари И. Мамажонов ҳамда Банкнинг Кичик ва ўрта бизнес департаменти директори Ф. Ғайбуллаев иштирок этмоқда.
Учрашув 12-сонли умумий ўрта таълим мактабида ташкил этилиб, унда тадбиркорлар ва фуқароларнинг мурожаатлари бевосита ўрганилмоқда.
Мулоқотлар давомида ҳар бир тадбиркор ва фуқаро билан индивидуал суҳбатлар ўтказилиб, мавжуд имтиёз ва имкониятлар, тадбиркорлик фаолиятини қўллаб-қувватлаш механизмлари, шунингдек, ижтимоий реестрга киритилиш ва ундан чиқарилиш тартиблари юзасидан тушунтиришлар берилмоқда.
Учрашувнинг асосий мақсади — аҳоли ва тадбиркорларнинг муаммоларини жойида ўрганиш, уларни молиявий қўллаб-қувватлаш имкониятларини кенгайтириш ҳамда мавжуд масалаларга амалий ечим топишдан иборат.
Банк Ахборот хизмати
Яна кўринг
Оққўрғон туманида меҳнат ярмаркаси ва ёшлар билан очиқ мулоқот ташкил этилди
Дам олиш кунлари ҳам ишлаймиз!
