Ҳар бир бола қалбида ижобий ҳиссиётлар, ҳаяжон ва ҳайрат уйғотишга қодир жонли саҳна ижросини бошқа жойда учратиш қийин. Театр – бу нафақат томоша, балки болажонлар қалбида яхшилик, дўстлик, жасурлик ва қийин пайтларда ўзгаларга ёрдам бериш каби улуғ фазилатларни муҳрлайдиган ибрат мактабидир.
Ўзбекистон Республикаси Президентининг “Театрларнинг жамият маданий ҳаётидаги аҳамиятини ошириш ва улар фаолиятини янада қўллаб-қувватлаш чора-тадбирлари тўғрисида”ги қарори ижросини таъминлаш мақсадида “Микрокредитбанк” АТБ томонидан “Театр — ибратхонадир” дастури лойиҳаси амалга оширилмоқда.
Ушбу ташаббус доирасида банкнинг Бош офиси, ҳудудий бошқармалари, БХМ ва БХОларда фаолият юритаётган ходимлар ҳамда уларнинг оила аъзолари учун театрларга саёҳатлар ташкил этилмоқда.
Қашқадарё давлат қўғирчоқ театрида “Ўткир шохли буқача”,
Жиззах давлат қўғирчоқ театрида “Филча”,
Хоразм давлат қўғирчоқ театрида “Шер ва дуррож”,
Навоий давлат қўғирчоқ театрида “Лайлакча ва қўриқчи”,
Сурхондарё давлат қўғирчоқ театрида “Саккизинчи хазина” каби театр томошаларига ушбу вилоятдаги ҳудудий бошқармаларнинг 300 нафар банк ходимлари ва уларнинг фарзандлари иштироки таъминланди.
“Микрокредитбанк” томонидан амалга оширилаётган бу каби маданий лойиҳалар нафақат ходимлар, балки уларнинг фарзандлари учун ҳам маънавий оламни бойитишга хизмат қилади.
Банк Ахборот хизмати
Яна кўринг
Tadbirkorlar bilan ochiq muloqot olib borilmoqda!
