Жорий йилнинг 1-апрел куни “Қалқон ортида” телеграм каналида Шаҳрихон тумани 67-мактаб жамоаси номидан мурожаат йўлланган бўлиб, унда тумандаги барча мактаб ўқитувчи ходимларининг март ойи иш ҳақиси тўлаб бўлингани, лекин Шаҳрихон тумани Микрокредитбанк томонидан 67-мактаб жамоасининг иш ҳақисини картага тушириб берилмаётгани танқид қилинган.
Мазкур мурожаат банк ходимлари томонидан ўрганилди.
Таʻкидлаш керакки, МКБАНКда ИТ инфратузилмасини модернизация қилиш доирасида жорий йилнинг 29-31-март кунлари Автоматлаштирилган Банк Тизими (иАБС) бўйича режалаштирилган техник ишлар олиб борилди ва бу ҳақда Марказий банкка ҳам огоҳлантириш хати тақдим этилиб, Банкнинг расмий сайти ва ижтимоий тармоқлари орқали эʻлон берилган.
Шунингдек, банк ва ташкилот ўртасида тузилган шартномага кўра, банк ташкилот ҳисоб рақамига ойлик иш ҳақисини бир кун муддатда ўтказиб бериши кўрсатилган. Ваҳолангки, банк 67-мактаб жамоасининг ойлик иш ҳақисини 1-апрел куни кечки вақтда тушириб берган.
Айни дамда техник узилишларга қарамай банкимиз мижозлар учун хизмат қилишни ўзининг энг муҳим вазифаси деб билишини эслатиб ўтмоқчимиз.
Банк Ахборот хизмати
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
