Шу кунларда Ўзбекистон Республикаси Марказий банки ташаббуси билан мамлакатимизда “Молиявий саводхонлик ойлиги” ўқув дастури доирасида “Умумжаҳон пул ҳафталиги 2025” (Глобал моней wеек 2025) тадбирлари ўтказилмоқда.
Мазкур ойликда МКБАНК ҳам фаол қатнашиб, республикамизнинг турли ҳудудларидаги та’лим муассасаларида ёшларнинг молиявий саводхонлик бўйича билимларини оширишга қаратилган қатор учрашувларни ўтказиб келмоқда.
Куни кеча ҳам банк мутахассислари томонидан Хоразм вилоятининг Урганч ва Хива шаҳридаги мактабларда молиявий хавфсизлик, я’ни пул жамғариш маданиятини шакллантириш, банкларга бўлган ишончни ошириш, рақамли банк хизматларидан фойдаланиш бўйича кўникмаларни шакллантириш ҳақида маҳорат дарслари ташкил этилди. Қизиқарли ва мунозараларга бой бўлган мазкур дарсларда фаол иштирок этиб, ўз молиявий билимларини оширганларга банкимизнинг эсдалик совғалари топширилди.
Шунингдек, Хоразм вилоятидаги Хива БХМга мактаб ўқувчилари учун “Очиқ эшиклар куни” ташкил этилди. Бу ерда ўқувчилар ўзларини қизиқтирган саволларга жавоб олиш билан бирга, банкдаги иш жараёнлари билан танишишди.
Ма’лумот учун, “Умумжаҳон Пул ҳафталиги” (Глобал Моней Wеек) тадбирлари Иқтисодий ҳамкорлик ва тараққиёт ташкилоти (ОЕCД) ташкилотчилигида дунёнинг 170 дан ортиқ мамлакатида, жумладан, Ўзбекистонда ҳам ўтказиб келинмоқда.
Банк Ахборот хизмати
Яна кўринг
МКБАНК ва ТКХУ ўртасида ҳамкорлик меморандуми имзоланди!
МКБАНКда хавфсизлик даражаси янада оширилмоқда
