Қуёш панеллари учун кредитлар янада қулай шартларда

Ҳалигача уйингиз ёки офисингиз учун фойдали, энергия тежовчи қуёш панелларини ўрнатмадингизми?

Микрокредитбанк сиз учун ҳар томонлама қулай бўлган қуёш панелларидан фойдаланишни таклиф этади. 
Қуёш панеллари хавфсиз, тежамкор, атроф-муҳит учун безарар, ҳар томонлама қулай бўлган энергия манбаидир. У Қуёшдан келаётган ёруғлик енергиясини электр энергиясига айлантириб берадиган қурилма. Бундай ускуна ёрдамида уйда ҳам иш жойида ҳам анча мунча енергияни тежаш мумкин.

“Микрокредитбанк” акциядорлик тижорат банки томонидан тадбиркорлик субъектларини қайта тикланувчи энергия манбалари қурилмаларини сотиб олиш ва ўрнатиш, энергия тежамкор технологияларни жорий этиш ҳамда ишлаб чиқариш жараёнларининг энергия самарадорлигини ошириш чора-тадбирларини молиялаштириш учун  “Green energy”  кредит модули яратилди. 

Aйни пайтда банк томонидан тадбиркорлик субъекти ҳисобланган якка тартибдаги тадбиркорлар ва юридик шахслар учун 19 фоизда 60 ойгача бўлган муддатда 5 миллиард сўмгача кредитлар ажратилмоқда. 

Бундан ташқари жисмоний шахсларга қуёш фотоелектрик станциялари, қуёш сув иситкичлари, шамол генераторлари, қуввати 1 МВт гача бўлган микро ва кичик гидроелектростансиялари, биогаз ишлаб чиқарувчи ускуналар, биогаз қурилмалари, бошқа қайта тикланувчи энергия манба қурилмалари, энергия сақлаш тизимлари, маиший энергия самарадор газ горелкали қурилмалар ва қозонларни сотиб олиш учун "Saving energy" истеъмол кредит маҳсулоти ишлаб чиқилди. 

Ушбу кредит линияси жисмоний шахслар учун йиллик 18 фоизда 60 ойгача бўлган муддатда базавий ҳисоблаш миқдорининг 500 бараваригача ажратилмоқда. 

Бугунги кунда қуёш панелларини ўрнатиш бўйича лойиҳаларни амалга ошириш истагини билдирган 2000 мингдан ортиқ аҳоли хонадонларига 55 млрд.сўм ва тадбиркорлар, қуёш панеллари ва энергия тежовчи қурилма(технология)ларни етказиб бериб ўрнатувчи 179 та корхоналарга 25,7 млрд.сўм кредит маблағлари ажратди. 

Aгар Сиз ҳам хонадонингиз ёки корхонангизга енергия манбасини тежовчи қуёш панелларини ўрнатмоқчи бўлсангиз уни Микрокредитбанкда расмийлаштиринг.