Visa компанияси томонидан МКБAНК ишончли ҳамкор сифатида эътироф этилди
21 сентабр куни бўлиб ўтган Visa Central Asia Payment Forum анжуманида рақамли тўловлар ва давлат бошқаруви соҳасидаги 300 дан ортиқ етакчи экспертлар, шунингдек Қозоғистон, Ўзбекистон, Қирғизистон ва Тожикистон молия-банк сектори вакиллари иштирок этдилар.
Унда МКБAНК Visa компаниясининг ишончли ҳамкорларидан эканлиги эътироф этилиб, махсус статуетка билан тақдирланди.
Форум давомида Visa компаниясининг етакчи халқаро экспертлари форум иштирокчилари билан Марказий Осиё бўйлаб рақамли тўловларни ривожлантириш, бизнесни трансформация қилиш ҳамда савдо миқёси ва пул ҳаракатланишининг жадал ўсиб боришига ёрдам берадиган жиҳатларни муҳокама қилдилар.
Таъкидлаш керакки, Марказий Осиёда 30 йилдан ортиқ фаолият юритаётган Visa рақамли тўловлар компанияси Тошкентда ўз офисини очганини ҳам маълум қилди.
Маълумот учун: МКБAНК 2008-йилдан буён Visa тўлов тизими билан ҳамкорликда ишлаб келмоқда.
Яна кўринг
MKBANK PAYSEND халқаро пул ўтказмаси билан ҳамкорликни йўлга қўймоқда
“Микрокредитбанк” АТБ тизимида коррупциянинг олдини олиш чоралари янада кучайтирилмоқда
