Хоразм вилояти ва Қорақалпоғистон Республикасида “Коррупция жиноятларининг олдини олиш” мавзусида семинар-тренинг ўтказилди

Коррупция шахснинг ўз мансаб ёки хизмат мавқеидан шахсий манфаатларини ёхуд ўзга шахсларнинг манфаатларини кўзлаб моддий ёки номоддий наф олиш мақсадида қонунга хилоф равишда фойдаланиши, бундай нафни қонунга хилоф равишда тақдим этишидир.

Бу иллатнинг кенг қулоч ёйиши ўта салбий оқибатларга олиб келади.

Ана шу мақсадда, “Микрокредитбанк” АТБ Қорақалпоғистон Республикаси ва Хоразм вилоят ҳудудий бошқармаларида коррупцияга қарши курашиш, манфаатлар тўқнашуви ва одоб-ахлоқ қоидалари мавзусига бағишланган навбатдаги ўқув семинари бўлиб ўтди.

Унда “Микрокредитбанк” АТБ Раҳбарияти, мутасаддилар ва банк ходимлари иштирок этди.

Ўқув семинарда коррупциянинг салбий оқибатлари, қонунчиликда белгиланган жавобгарлик чоралари, кибержиноятчилик ва киберкоррупсиянинг хавфли жиҳатлари ҳамда ушбу иллатларга қарши муросасиз кураш олиб бориш зарурлиги таъкидланди.

Шунингдек, банкда коррупция, порахўрлик ва бошқа салбий иллатларга қарши курашиш ҳамда унинг олдини олиш мақсадида ишонч рақамлари, алоқа каналлар мавжудлиги алоҳида қайд этилди. У орқали нафақат фуқаролар, балки ходимлар ҳам банкда қонунчилик бузилишига доир ҳолатлар ёки ходимларнинг ноқонуний ҳаракатлари юзасидан хабар беришлари мумкинлиги тушунтирилди.

Дарҳақиқат, коррупцияга қарши курашишда аҳолининг ҳуқуқий онги ва маданиятини юксалтириш, жамиятда коррупцияга нисбатан муросасиз муносабатни шакллантириш, давлат органлари ва бошқа ташкилотлар ходимларининг ҳуқуқий саводхонлигини ошириш, таълим муассасаларида коррупцияга қарши курашиш соҳасидаги ҳуқуқий таълим ва тарбия масалалари бугуннинг муҳим вазифаларидан биридир. Чунки ҳуқуқий онг ва ҳуқуқий маданияти юксак бўлган инсонлар салбий иллат бўлмиш коррупцияга йўл қўймайди.

Мулоқот мобайнида жамиятда коррупцияга қарши муросасизликни кучайтириш, ушбу иллатга қарши курашишда ижтимоий фаолликни ошириш юзасидан фикр-мулоҳаза ва таклифлар билдирилди.

Семинар якунида банк ходимлари ўзларини қизиқтирган саволларга жавоб олдилар.

Банк Ахборот хизмати