Замонавий давлат бошқаруви ва бизнесда энг муҳим тамойиллардан бири бу — ҳалоллик, шаффофлик ва жавобгарликдир. Бугунги кунда коррупция фақат жиноят эмас, балки жамият тараққиётига қарши йўналтирилган таҳдид сифатида баҳоланмоқда.
Ҳурматли президентимиз таъкидлаганидек, “Афсуски, жамиятимизда коррупция иллати ўзининг турли кўринишлари билан тараққиётимизга ғов бўлмоқда. Бу ёвуз балонинг олдини олмасак, ҳақиқий ишбилармонлик ва инвестиция муҳитини яратиб бўлмайди, умуман жамиятнинг бирорта тармоғи ривожланмайди”. Шу боис коррупцияга қарши кураш фақат давлат эмас, ҳар бир ташкилот ва фуқаронинг ҳам масъулиятли иши бўлиши керак.
Бу борада Микрокредитбанк АТБда ҳам муҳим ишлар амалга оширилмоқда. Жумладан, Хоразм вилоят ҳудудий бошқармасида ташкил этилган “Коруппсиясиз банк” шиори остидаги йиғилиш ҳам бунга мисол бўла олади.
Унда Хоразм вилоят Урганч шаҳар Прокуратураси 3-даражали юристи, тезкор вакил М.Машарипов, Хоразм вилоят Ички ишлар бошқармаси тезкор қидирув хизмати Терроризмга қарши курашиш бошқармаси ходими, подполковник А.Худайберганов, вилоят ИИБ Киберхавфсизлик бошқармаси катта мутахассис Х.Сотимов ҳамда Банк раҳбарияти ва ходимлар иштирок этишди. Шунингдек, маҳалла банкирлари, маҳалла агентлари ва БХО ҳамда БХМ ходимлари эса ЗООМ орқали қатнашишди.
Тадбирда банкда коррупцияга қарши қурашиш ва коррупциянинг оқибатлари, банк ходимлари орасида коррупцияга йўл қўймаслик, тизимдаги коррупция ҳолатларининг сабаб ва шарт-шароитларини аниқлаш, ўз фаолиятида манфаатлар тўқнашувига йўл қўймаслик, коррупцияга нисбатан муросасиз муносабатни шакллантириш, бу каби ҳолатларни барвақт аниқлаш ҳамда олдини олиш бўйича ҳаётий мисоллар билан тушунтиришлар берилди.
Шунингдек, йиғилишда пластик карталардан тўғри фойдаланиш ва фирибгарлик қурбони бўлиб қолмасликлари юзасидан аҳолининг молиявий саводхонлигини ошириш ҳамда Банк фаолиятида ахборот хавфсизлиги сиёсати ва киберхавфсизлик қоидаларига риоя қилиш даражасини ошириш борасида ҳам маълумотлар тақдим этилди.
Йиғилиш сўнгида банк ходимлари ўзларини қизиқтирган саволларга жавоб олиш билан бирга, жуда фойдали ва қизиқарли маълумотларга эга бўлишганини қайд этишди.
Ҳар биримиз жамиятда ҳалоллик ва адолат тамойилларининг устувор бўлишига масъулмиз. Коррупцияни фақат қонун билан эмас, онг, маданият ва биргаликдаги ҳаракатлар билан енгиш тарафдоримиз.
Банк Ахборот хизмати
Яна кўринг
Дам олиш кунлари ҳам МКБАНК ишлайди!
“Китоб ўқиш соати”да “Икки эшик ораси” асари ўқилди
Челленж учун ўзбек адабиётининг дурдона асарларидан бири Ўткир Ҳошимовнинг “Икки эшик ораси” асари танланди.
